مش عارف ليه حسيت بالحقد اتجاه الاخ العزيز الاستاذ جمال محمد حسني مبارك
الناس كلها عاوزه تعرف اخبار عن فرحه وكانه يوم زي يوم التعديلات كده
لا تعديلات ايه ده ولا يوم حرب اكتوبر اشمعني هوه بقي ولا عشان هوه ابن الريس .... يمكن
ولا عشان هوه الريس اللي جي ( ان شاء الله بدون مقاطعه ياعني ) يمكن بارضه
ولا يمكن علشان الاخت العزيزه الفاضله خديجه محمود الجمال تبقي بنت اخو رافت الهجان رحمه الله
لا مش مشكله انشالله حتي تكون بنت جيمس بوند
ده جمال مبارك يا جدعان
ياعني هوه انا يوم فرحي الناس هتبقي مستنياه كده بارضه
والله شاكلي كده لو اتجوزت في البلد دي محدش هيعرف غيري واحتمال العروسه كمان ابقي اقولها
طب انا بقي عاوز اعرف شوية حاجات كده مهمه في الافراح ياعني
مش مهم المهر اد ايه والمؤخر والكلام ده المهم طيب بما انه فرح واحد احنا عارفينه
مين اللي هيغني في الفرح
طيب اللي هايروح ينقطه يديلوا هديه ايه ده بقي
يجبله طقم تيفال ولا ابجوره وخلاص
مش عارف
بس اوعدكوا لما اجي اروح اباركلوا هاقلكوا انا جبتله ايه
مع اني والله غصب عني مش هاقدر اروح علشان هيبقي عندي فرح في نفس اليوم
بس هاروحله في الصبحيه ان شاء الله
انا لسه هاتكلم تاني في الموضوع ده بس مره تانيه بقي
وللحديث بقية ...... ان شاء الله
Subscribe to:
Post Comments (Atom)
6 comments:
استنى قبل الفرح بيوم و انت تلاقى كله عمله اغانى و يوم الفرح يمكن يكون على الهواء مباشرة الله اعلم
يا عبد الهادي ده فرح الرئيس قصدي ابن الرئيس و لازم الراجل يفرح بابنه و ان شاء الله كلنا معزومين علي الفرح اما بالنسبه للتفاصيل الصغيره دي اقولك حاجه
الشقه و الشبكه والمهر و العفش عالشعب طبعا طبعا الكراسي و النجف و الصيني عالشعب طبعا اوضه السفره و اطقم الصيني عالشعب طبعا
و كفايه يا اخي انه هيشيل الباقي
الراجل شاب و بادء حياته ده بدل ماتدعيله اخصصصصصصصصصصصص
بجد احنا شعب ناكرجميل
يعني احنا بنشتكي عشان سن الجواز دخل في التلاتينات اهو الراجل قعد لكام واربعين
وكل ده ليه؟
علشان تاعب نفسه وقاعد يزبط في الدستور علشان يريح الشعب من انهم يتعبوا ويختاروا حد باباه
ونعم ولي العهد يا جمال
المدونة بالفعل مميزة واتمني التوفيق
صباحية اللى تروح فيها ياغلس
ثم ان اكييييييد
حتلاقى خديجة بتلطم
فبلاش احسنلك :-)
احم
عبد الهادى
انا مررت لك تاج
يالا يابطل
تاج يفوت ولا حد يموت
Post a Comment