قالوا في الامثال لن مقدرتش تتضحك ما تدمعش ولا تبكيش
انا مش عارف والله قالوا كده ليه مع ان البكا ده حلو اوي والله بس المهم يكون علي حاجه تستاهل ياعني
علشان لو كانت الحاجات اللي تستاهل مش كتير يبقي لا الضحك ينفع ولا حتي البكا
طب مين فينا مبيجلوش وقت كده ويبقي عاوز يعيط
لا وبيعيط ياعني وممكن يكون بيعيط علي ولا حاجه بس هوه نفسه يعيط
انا هاقترح موضوع العياط ده كده لما نشوف
اللي بيعيط يقولي بيعيط ليه ؟
والاخ الجامد قوي اللي بيعيطش ده يقولي بارضه يمكن نتعلم منه حاجه ؟
بعد اذنكم بقي علي شان عاوز اعيط شويه
3 comments:
طبعا تبكي
البكا بيريح كتير قوي..
زمان كنت بقول عيط في أي وقت لما تكون محتاج ، لكن دلوقتي بقولك اختار اللي هتعيط قدامه ، مش علشان الناس متشوكش وكده ، لكن علشان اللي بتعيط معاه بتبقى في بينكم صلة بعد كده مش هتعرف تقطعها
اولا انا متشكر جدا ليكي
لانك تعتبري الوحيده اللي بتعبريني وتيجي هنا
ثانيا والله عندك حق ان اللي بيعيط ادام حد بتتولد فعلا صله غريبه
انا اعرف واحد عملها مره وانهار قدامي مش عيط بس انا دلؤتي عاوز اقلل العلاقه اللي مابنا دي متبقاش كده ياعني
ومش عارف
ومكنتش عارف ليه مش قادر اعمل كده
برافو عليكي
البكاء في حج ذاته راحه للنفس و لما بتعيط بتخرج منك طاقه مكبوته و اهم حاجه انك بتحس ان انت ضعيف اوي قدام ربنا و ده شعور مهم فبالتالي ايمانك بيزيد و اهم حاجه ماتعيطش قدام الناس لان الناس يا حبيبي مش هتعيط معاك ولا عليك الناس هتشمت فيك انت فاهم طبعا انا ماقصدش صحابك اللي هما احنا عيط يا راجل عيط والله لانا معيط انا كمان
Post a Comment