هي: أنا عايزة اعرف انت ليه بتحبني؟؟ ايه اللي خلاّك تحبني؟؟
هـو: ماقدرش اقولك السبب بس أنا فعلاً بحبك
هي: ماتقدرش تقولّي السبب؟ أمال انت بتحبني ازاي وانت مش عارف ليه بتحبني؟؟
هـو: صدقيني.. معرفش السبب.. بس انا بحبك موت
هي: لا مش ممكن.. لازم اعرف السبب.. حبيب صديقتي دايماً يقولها ليه هو بيحبها.. لكن انت ماتعرفش
هـو: اوكي اوكي.. انا بحبك لانك حلوه قوي، ولان صوتك حلو يهوس، ولانك بتهتمّي بيّـا وبتحبيني،
ولان روحك كلها امل وتفاؤل.. ولان
ابتسامتك ساحرة وجذابة، واحبك لكل حركة تعمليها وكل خطوة تمشيها
لسوء الحظ
بعد بضعة ايام حدث للمرأة حادث بليغ واصيبت فيه اصابات بالغة
وعندما اتى الرجل لزيارتها.. وضع بجانبها رسالة قصيرة كتب فيها
عزيزتي لجمال صوتك أحببتك.. ولكن الآن هل تستطيعين الكلام؟
كلاّ
إذن فأنا لا أستطيع أن احبكِ
ولانك تهتمين بي وتحبيني .. احببتكِ، ولكن الآن هل تستطيعين اظهار هذه المشاعر؟
كلا
اذن.. فأنا لا استطيع ان احبكِ
ولابتسامتك الساحرة.. احببتكِ.. ولكل حركة تتحركينها كنت احبكِ .. ولكن الان
هل تستطيعين الابتسام؟؟.. هل تقدرين على الحركة؟
كلاّ
لهذا السبب فانا لا استطيع ان احبكِ
عزيزتي
لوكان الحب يتطلب أسباباً.. فانت الآن لا تملكين اي سبب لكي احبك ِ من أجله
إذن
هل يحتاج الحب اسبابا ؟؟
Subscribe to:
Post Comments (Atom)
5 comments:
يخرب بيتك
انت مصتقصدني يا ابني
حرام عليك كل بوست اكتر من اللي قبله
انا كل ماقول انا نسيتها ترجع تفكرني بيها
شوف لو الحب بيحتاج سبب كان زماني انا نسيت و كل اللي فارقوا ينسوا الحب يا عزيزي زي طلقه الرصاص ان ما جابتش اجلك هتاذيك
و الحب اللي بجد هو اللي تختلقله سبب حتي لو مافيش سبب انت بتحبه في حبيبتك دور و اتلكك علي سبب
بس ماحدش يستاهل
الكلام ده كنت قريته زمااااان
بس الكلام يليق اكتر على ست تقوله
اسمحلى الراجل فعلا بيحب بعينه
والست بتحب بودنها
عشان كده كانت عاوزة تسمع ليه بيحبها
وتسمع بيحب فيها ايه
لكن الراجل
اول مامراته تتخن او توحش بيجوز عليها او لو وفى اوى بيخونها بس
طبعا مش كله
اكيد يعنى
بس الراجل فعلا مش رومانسى قد الست
ولو رومانسى مش بيعرف يفصل بين الرومانسية وشعرة النحنحة
لكن الست مخلوق من مشاعر
برضه مش كله
بس الاغلب
خصوصا الراجل مش من عادته ان يعشق تفاصيل
الراجل عندما يحب فهو بيحب شئ معين فى العادى بيلاقيه فى الانسانة دى
لكن الست العكس
بتحب الراجل وبعدين تحب اشيائه
يعنى ضحكته
صوته
عرقه
برفانه
حتى اى حاجة غلسة بيعملها
لو حط صباعه فى مناخيره مثلا
ههههههههههههههه
انا رغيت اوى صح؟؟
بس عموما انا بكمل رحلتى تنازليا فى التعليق
ابص بقى على كاظم
اشوفك تحت
هههههه
تحياتى
البتاع
فعلا الكلام ده قديم ومش كلامي ياعني
علشان كده انا كاتب تحت منقووووووول
حقوق الملكية الفكريه بقي وبتاع
وبعيدا عن الكلام اللي انا مش عاوز اقتنع بيه خالص عن التفرقه بين تفكير الراجل وتفكير الست
احنا لازلنا متفقين علي ان من حقنا كرجاله ياعني من حقنا المساواه
احنا بقي اللي بنطالب بيها دلؤتي
ومن غير الحاجات المقرفه
لو حبيبتي بتحب فيا كده
مش عاوزها ياستدي
هههههههههههه
_______________
نازلك تحت انا هوه
اشوفك عند كاظم
احنا اتفقنا ان انتي علي طول
منورااااااااااني
mohamed sabry
ياعم والله ما اقصدك
انت حتي كنت قاعد معايا وانا بكتب البوست ده ومكناش بنتكلم في الموضوع ده ولا حاجه
المهم
حلوه حكاية طلقة الرصاص دي
ومن غير ما ادوور او اتلكك
احنا متفقين من زماااااااان ان
مفيش حد يستاهل
اجمد ياد
الحب بلا اسباب
الحب بلا دوافع
الحب بلا مقابل
الحب بلا كلمات بلا حركات
الحب لغز بسيط
ولكن عميق
شكرا يا عزيزي احمد
اعتقد ان فكرتك وصلت خلاص
تحياتي لك
Post a Comment