مش عارف

!!!!!!! اهو انا دلؤتي حاسس نفس احساس بنت اول مره تجيلها الدوره الشهريه

عاوز ابعد عن كل الناس

في الوقت اللي الناس كلها بارضه بتبعد عني

ومن غير ماعرف ليه

انا كل اللي انا متاكد منه اني مبعملش حاجه تزعل حد

انا بس كان نفسي اكتب ...... بس

طب عاوزاني اخس اخس

هوه انا مكتوب عليا اول واحده احبها تبقي مراتي

ده اساسا اذا حبتها

ولا اساسا اذا اتجوزت

لا ... وبيقوله ان الواحد مش لازم يدور ع الحب

ادينا مدورناش ومجاش

ولما ندور منلايش

ولما جه لواحده ..... كنت مش فاضي

ايييييييييييييييييييييي

نشرة الاخبار سنة 2050 ...... هوه احنا هانفضل كده

التليفزيون يا تيته عشان تشوفي نشرة الأخبار

الحفيدة تضغط الريموت كنترول لنرى شاشة كبيرة بطول وعرض حائط الغرفة،

وتظهر صوت مذيعة مصحوبا بلقطات للأنباء

: المذيعة: هاي شلة

.

إليكم عناوين الأخبار

.

أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان واشنطن تتهم ليبيا بتفجير سفينة فضاء فوق كوكب المريخ

وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة

موافقة مجلس الشعب أخيرا على خصخصة معبدالكرنك

.

أخبار عربية

.

زهوة ياسر عرفات تطالب بانسحاب إسرائيل حتى حدود عام 2030،

وإعلان الدولة الفلسطينية في مايو المقبل

سيريلانكا والفلبين تطرد خمسة آلاف خادمة

إسرائيل ترفض الإنسحاب من البصرة إلا بعد ضمان أمن مستوطناتها في بغداد

اشتباكات على الحدود الإسرائيلية المغربية

.

أخبار الفن

.

زفاف المطربة صباح على حفيد الفنان الراحل راغب علامة

رئيس قطاع الإنتاج لم يستقر بعد على بطلة فوازير رمضان ويعقد إجتماع مع السيدة

توتي محمد صفوت الشريف وزيرة الإعلام الجديدة لمناقشة هذه القضية

الفنان محمد هنيدي يهاجم نجوم الكوميديا الجدد المذيعة

.

فينيش باي

انغام 2007

استمعت مؤخرا لالبوم المطربة المصرية انغام ( كل ما نقرب ) ... وكانت لي بعض الملاحظات

تمتلك انغام صوت ذهبي واحساس عالي جدا دائما ما تاخذك اغنياتها الي عالم اخر جميل

******************************************************************

يبدا الالبوم باغنية الهيد او اغنية اسم الالبوم والفيديو كليب ودائما ما تكون الاشهر

الاغنية من كلمات بهاء الدين محمد والتي امتازت كلماته دائما بالهدوء الجميل والابداع في وصف المشاعر

تحمل الاغنية فكره جديده جميله وهي مدي تاثير التقرب من الحبيب في تتطور العلاقة ورغبة في عدم فعل هذا

الجملة الاكثر تاثيرا وجمالا علي الاطلاق * مش بارضه يا حبيبي الضياع احساس هايجمعنا سوي * و

وياتي المبدع خالد عز الملحن المتميز الذي يهدي لك الكلمات علي طبق من ذهب وتوصل في هذه الاغنيه

الي كامل نضجه الفني

توزيع وتريات الاغنية لزوجها الموزع فهد كان جميالا في اغلب الاحيان الا انه يشبه كثيرا توزيع اغنيتها

سيدي وصالك للموزع طارق مدكور

*********************************************************************

مبتعلمش ... اغنية تحمل ما يرغب في قوله معظم الفتيات في من هذا الجيل

جميلة كلمات امير طعيمه ومعبره جدا في ما يرغب الشاعر وصفه

الا انه ياخذ عليه جملة * دايما بعديله وراضي القلب بقليله * رغم انه الاتجاه السائد حاليا

بين شعراء الاغنية في وصف المشاعر بالغة الجيل

لحن خالد عز جاء هادء جدا وملائم مع معاني الاغنية واستطاع الملحن في تبسيط

مهمة الموزع الا انك عندما تستمع الي الاغنية تشعر بروح طارق مدكور الموزع الناضج جدا

*********************************************************************

اتمناله الخير ... العنوان الغريب هو الذي شدني الي سماع الاغنية

الا انها لم تكن مثل الاغنية السابقه فانت لن تجد في مثل هذه الايام امرأه تتحلي بكل هذه الروح الرياضيه

الا انه جاء وفي وسط الاغنية ووضح مقصدها انها تتمني الخير لقلبها ايضا

الفكره والكلمات مقبولين الي حد كبير ... الاغنية لنفس الملحن والشاعر ( امير طعيمه وخالد عز ) ولم تظهر مطلقا

خبرة الموزع الجديد وليد فهيم

********************************************************************

الامل ... كل مافي كلمات الشاعر مصطفي مرسي جميله في تلك الاغنية ماعدا الشطر الاول منها

في جملة * ومفيش حياة من غير امل . ومفيش امل من غير حياة * ينتابك احساس عند سماعها

الكلمات رغم جودتها الا انها تحتاج مجهود كبير لفهمها ، حاول الملحن خالد عز في تهدئة الكلمات

لسهولة فهمها وذلك بالوقفات التي تحدث في منتصف الاغنية ... الا انه لم يفلح

لم يبرز اداءالموزع اشرف محروس علي الاطلاق الا في استخدامه اداء انغام في التوزيع

******************************************************************

بغير ... اعتمد انغام اخيرا علي شاعر وملحن من جيل الشباب جائت كلمات نادر عبد الله معبره جدا

في وصف مشاعر الغيره و رغبتها في اخفاءه عن الاعين

لحن تامر علي جاء سهل جدا في توصيل ما اراده الشاعر

توزيع فهد للهذه الاغنية يعد افضل توزيعاته في هذا الالبوم او الافضل له علي الاطلاق

فلم يدخل في الالات المعقده ولم يكرر التوزيع في الجمل اللحنيه الا مره واحده - علي غير عادته

*****************************************************************

اذا نال اعجابكم .............. فسنعود

عندما تكون العوده ...... تاج

هدية عيد ميلادي بقي

ومقدرش ارفضها

يالا نبدء التاج مع بعضينا

انت مين؟

احمد عبد الهادي

هندسة طيران

لا وايه بقي قسم عماره

و 22 سنه و4 ايام

كفاية كده ... ولو حد عاوز يعرف حاجه تاني انا في الخدمه ياعني

*********************

مين اكتر 6 اشخاص بتحبهم؟

انا

امي

اخواتي

اصحابي كلهم

احمد السقا

ومفيش تاني ... والنبي تعتبروا صحابي كلهم شخص واحد وبارضه اخواتي

*********************

أنت سعيد؟؟

دايما........ سعيد جدا

دلؤتي ....... لا

بس ......... الحمد لله

*********************

لو اجتمعت انا وحسني مبارك في غرفة واحدة؟

هاسئله سؤال واحد

انت بتحب مصر؟

طب لو بتحبها يبقي من اي اتجاه ؟

********************

لو معاك مليون ونص جنيه......تعمل بيهم ايه؟

يارب يقضوا ربع طموحاتي

مبدئيا هادي ربعهم لابويا

علشان نبقي خالصين ومحدش ليه حاجه عند حد

والباقي هاعمل بيهم مشروع خارج دراستي !!!!!!!!!

*********************

بتحب مصر؟

طبع بحب مصر جدا

اصل ماليش غيرها

*********************

بتحب الشباب؟؟

نعم !!!!!!!!!!!!!

انت تقصد ايه بالظبط

هههههههههههههههههه

لو البنات يبقي لا

********************

انت مسلم؟

الحمد لله علي نعمة الاسلام وكفي بها نعمه

********************

ليه؟

اصلي ابويا وامي مسلمين

ولو خيروني الان لما اخترت غيره

********************

مين اكتر شخصية ما تقدرش تستغنى عنها في حياتك؟وليه؟

مفيش

اصل بحب اعتمد علي نفسي

*********************

ايه اكتر موقف محرج اتعرضت ليه في حياتك؟واتصرفت ازاي؟

مش فاكر الحقيقه

بس ربك بيسترها ياعني

********************

ايه الأمنية اللي بتدعي ربنا دايما انه يحققها لك؟

في الدنيا ......... ياعمي اقصد في الحياة ياعني

اجي في برنامج العاشرة مساء

اكيد لاني عملت حاجه كويسه جدا ياعني

بس ايه هيه الحاجه دي لسه مش عارف

********************

تمرر التاج ده لمين؟؟؟

لا انا بحب الناس اوي

ومعنديش استعداد اضايق حد مني

فهماني يااااااااااااااااااااا

ههههههههههههههههههه

ع العموم هدية مقبوله

27/6

-

انا عيد ميلادي انهارده
اذا كنتم من المهنئين
فلا تهنئوني بضياع سنه اخري من عمري
ولكن هنئوني باستقبال سنه ارجو انت تكون افضل
الحمد لله رب العالمين
-
وكل سنه وانا طيب
وسنه حلوه يا جميل

القيود

_

عشرة ايام وانا احاول ان اكتب

عشرة ايام وانا اهيئ كل الاجواء اللازمه لاخراج الكبت الرهيب

ولكن لا شئ

مللت ومللت ومللت

سمعت صراخ الورقه الملقاه علي ظهرها امامي

مستسلمه لما يفعله القلم فيها

ولكنه خذلها

وخذلها

لملمت كل اوراقي القديمه لاري ما فعلت بها

وجدت انني لم اكتب الا كلمة واحده

.

اااااه من قيدك ادمي معصمي

.

لا ادري ما الذي جعلني اتذكرها

ولكني احسست اني اخرجت كل ما في عقلي من كلمات

ما كنت اريد ان اكتب الاهي

الذكري

! ساظل محتفظ بهذه الورده التي لم تعطيها لي

! هذه الذكري التي لم اعشها يوما معك

! وهذا الاحساس الذي لم اذق غيره

-

.

حاولت مرارا ومرارا ان انسي

لا لا لا ...... ان اتذكر

اتذكر انك لم تكوني يوما في حياتي

لكنني ....... نسيت

احنا في 2007

فيلم - المراه المجهوله

شاديه : انا مكسوفه اوي من نفسي اني جيت اقابلك

عماد حمدي : مكسوفه ليه يا حبيبتي الدنيا اتغيرت احنا دلؤتي في سنه 30

.

.

.

.

الريسيفر كان بايظ وساقني القدر اني اتفرج علي قناة النيل للرخامه ( قصدي الدراما ) وشفت المشهد

وكان استغراب كل من حولي من ضحكي الهيستيري علي هذا المشهد

مع انه مشهد رومانسي -- المفروض ياعني

_________

مستغربين من اللي بيحصل دلؤتي

الله يرحمك يا عمدا ويرحم ايامك

دماااااااااااااااااااغي

الفرح شاطر والحزن شاطر ........... و
ده انا لسه قادر في الحزن افرح

لن اعط لك الفرصة في تعكير صفو حياتي

ولن اسلم لك مفتاح رأسي فهو ملك لي انا وحدي

عندما تظن بي كذالك

فلنزل عليا االاف اللعنات . و لارتمي انا في الجحيم

.

.

والله والله والله ........ عمري ما خنت واحد صاحبي

وجيه عزيز .... فنان فقير علي باب الله ------- اتبرع ولو بجنيه

يوم السبت الماضي

كنت عند الاخ الزميل العزيز ياسر مجدي والقاطن في حي الهرم

في معسكر متعارف عليه لزوم الامتحانات وبتاع

وواقف زي الشطوره كده في المطبخ بسخن المكرونه علشان الجوع لامؤاخذه كافر

اذ بي اري علي رف النمليه جرنال قديم مفروش به صوره في اخر مقال للملحن والمطرب الرائع وجيه عزيز

قلت يا واد بدال مانت واقف كده اقرا شوف فيه ايه

كان عنوان المقال ممسوح من اثار اخر كباية نسكافيه اتدلئت عليه ... عادي ياعني

قريت المقال وانا بقلب المكرونه علشان ماتتحرقش

والله انا حسيت في بداية المقال انه مقال عادي به راي كل من يستمع الي وجيه حتي لو للمره الاولي

فنان جميل وملحن عظيم ............ وخلافه

وفي اخر المقال حسيت ان المقال اتقلب وبقي اعلان عن مستشفي سرطان الاطفال مثلا او دار ايتام حاجه كده

كلام بقي عن المعاناه التي يعانيها وجيه بالرغم من جمهوره الذي لا تتسع به القاعات الصغيره التي تقام فيها حفلاته

وكلام كتير كده يحسسنك ان هذا المقال يطلب فيه المساعده للرجل المجاهد المكافح ...... مش فاهم ليه ياعني

اصل هي حاجه من الاتنين اما وجيه علي معرفه ودرايه بما كتب قبل ان يكتب ..... وهذا ما استبعده تمام

واما ان يكون فاجاءه هذا الكلام مثلما فاجاء كل من قرأوه

احاول ان اجد تفسيرا لما حدث .... ساعدوني

الي من يعنيه الامر

........ إطمئنوا

لم أصل بعد الي نقطة اللا عوده

إنها فنرة للنقاهه فقط

ارجوكم ........... لا تنتظروني

فتره من النقاهه اتمني ان تطول

......... لا تنتظروني

احتمال ان لا اعود مطلقا

مجرد ابعاد اخري

يالا هانعلق مع بعضينا كده

هل يحتاج الحب أسباباً ؟؟

هي: أنا عايزة اعرف انت ليه بتحبني؟؟ ايه اللي خلاّك تحبني؟؟
هـو: ماقدرش اقولك السبب بس أنا فعلاً بحبك
هي: ماتقدرش تقولّي السبب؟ أمال انت بتحبني ازاي وانت مش عارف ليه بتحبني؟؟
هـو: صدقيني.. معرفش السبب.. بس انا بحبك موت
هي: لا مش ممكن.. لازم اعرف السبب.. حبيب صديقتي دايماً يقولها ليه هو بيحبها.. لكن انت ماتعرفش
هـو: اوكي اوكي.. انا بحبك لانك حلوه قوي، ولان صوتك حلو يهوس، ولانك بتهتمّي بيّـا وبتحبيني،
ولان روحك كلها امل وتفاؤل.. ولان
ابتسامتك ساحرة وجذابة، واحبك لكل حركة تعمليها وكل خطوة تمشيها

لسوء الحظ

بعد بضعة ايام حدث للمرأة حادث بليغ واصيبت فيه اصابات بالغة
وعندما اتى الرجل لزيارتها.. وضع بجانبها رسالة قصيرة كتب فيها

عزيزتي لجمال صوتك أحببتك.. ولكن الآن هل تستطيعين الكلام؟
كلاّ
إذن فأنا لا أستطيع أن احبكِ

ولانك تهتمين بي وتحبيني .. احببتكِ، ولكن الآن هل تستطيعين اظهار هذه المشاعر؟
كلا
اذن.. فأنا لا استطيع ان احبكِ

ولابتسامتك الساحرة.. احببتكِ.. ولكل حركة تتحركينها كنت احبكِ .. ولكن الان

هل تستطيعين الابتسام؟؟.. هل تقدرين على الحركة؟
كلاّ
لهذا السبب فانا لا استطيع ان احبكِ

عزيزتي
لوكان الحب يتطلب أسباباً.. فانت الآن لا تملكين اي سبب لكي احبك ِ من أجله

إذن

هل يحتاج الحب اسبابا ؟؟

نداء ........ الي تلميذة

قولي ولو كذبا كلام ناعما قد كاد يقتلني بك التمثال
مازلت في فن المحبه طفله بيني وبينك ابحر وجبال
لم تستطيعي بعد ان تفهمي ان الرجال جميعهم اطفال
فاذا وقفت امام حسنك صامتا فالصمت في حرم الجمال جمال
كلمانتا في الحب تقتل حبنا ان الحروف تموت حين تقال
قصص الهوى قد جننتك فكلها غيبوبه وخراقة وخيال
الحب ليس روايه ياحلوه بختامها يتزوج الابطال

هو ان نثور لااي شي تافه
هو يأسنا هو شكنا القتال
هو هذه الكف التي تغتالنا
ونقبل الكف التي تغتال

اتمني ان تتفهمي وتتوصلي الي ما يرضيني ... اتمني

اطلقت صراحه وانتظرت ان يعود فلم يعود .. ولن يعود

لو اننا لم نفترق لبقيت بين يديك طفلا عابثا وتركت عمري في لهيبك يحترق

يالها من ماساه ، ان توهم نفسك باشياء لم ولن تكن حقيقية ، وتترك دموعك تنهال علي خديك لاجلها

وتترك قلبك ينفطرحزنا لها

الفراق ....... يالها من كلمة ماساوية دامية اكاد ان لا اطيق كتابتها

حين تلمس يديك اوراقها القديمة وتكاد تبكي علي ضياع حتي الذكريات

لكنها الطامة الكبري .......... لا اسطتيع نسيانها

رغم الرحيل رغم مافعلت بنا الايام قلبي لم يزل يحيي وحيدا بالامل

انا ياحبية كل ايامي قتيلك في الهوا

مفكر قطري يصف الاحتلال الامريكي بالشرعي ، ويتفاخر بانه عميل

حسبي الله ونعم الوكيل ..... وانا لله وانا اليه راجعون
في حوار اجرته قناة العربيه ونشرته جريدة المصري اليوم مع الدكتور عبد الحميد الانصاري استاذ الشريعه الاسلاميه بجامعة قطر ، كشف الدكتور عن بعض النوايا القذره التي نتبرا منها نحن العرب ومن من يفكرون مجرد التفكير بها .... واليكم نص الحوار والمنقول من الجريده
الوجود الأمريكي في العراق شرعي وضمان لاستقرار المنطقة».. كلمات مثيرة للجدل نطق بها الدكتور عبدالحميد الأنصاري أستاذ الشريعة الإسلامية بجامعة قطر أمس الأول، في برنامج «إضاءات» علي قناة العربية.
قال الأنصاري: الاحتلال الأمريكي يصب في مصلحة العرب وهو من نوع الاحتلال الحميد والمطلوب، فليس من مصلحة دول الخليج أن يخرجوا الآن، كما أن العراقيين أنفسهم اختاروا حكومة شرعية تؤيد الأمريكيين.
ورد علي اتهامه بالعمالة للولايات المتحدة: «ما المانع أن أكون عميلا إذا كان هذا في مصلحة بلدي؟ وأنا من دعاة زيادة التحالف مع الأمريكان ولا أري مستقبلا للخليج دون هذا التحالف».
وأضاف: العمالة لأمريكا أفضل من العمالة لأناس متخلفين مثل القاعدة، فهم أعداء للحياة، لأنهم يدفعون ابني لتفجير نفسه، فالعمل الانتحاري حجود للنعمة.
وشدد علي تجنب المقاومة للولايات المتحدة قائلا: «الأمريكيون ليسوا أعداء، فهم في الخليج بناء علي طلب الخليجيين أنفسهم»، وشن هجوما علي الخطاب الديني قائلا: «الخطاب الديني المعاصر متشنج ومعاد للآخر وهو مخالف للخطاب النبوي، ولم يفلح في تحصين الشباب لأنه مأزوم وماضوي ومذهبي تحريضي».
وأضاف: «إننا نفتقد ثقافة الإنسانية، ومن ثم فنحن نحتاج إلي خطاب موجه للإنسان ولا يعتمد علي اجترار الاجتهادات الفقهية الخاصة بفترة معينة».
وعن ظاهرة الانتحاريين- حسب قول المذيع- قال الأنصاري: الجهاد في الإسلام جُعل لحماية النفس وليس لمجرد الموت فقط، فالخطاب هنا يركز علي الجانب السيئ في الحياة وليس الإيجابي، «ولذا فإن النموذج الانتحاري الذي نراه في العراق والرياض والجزائر هو نتاج لخطاب ديني متشنج».
واستكمل طرح أفكاره المثيرة للجدل: لا يوجد في الإسلام من يفجر نفسه في العدو.. واستخدام العمليات الانتحارية مع الإسرائيليين يعود إلي أسباب أيديولوجية لا علاقة لها بالدين، فحتي علماء السلفية أنفسهم قالوا إن من يفجر نفسه في العدو فهو قاتل.
وعن خلافه مع الدكتور يوسف القرضاوي قال: أحترم القرضاوي، لكن حكاية تفضيلي الجلوس في الطائرة بجوار يسرا عن الجلوس بجانبه، هي أنني أحتاج إلي حرية سأفتقدها إذا جلست معه.
وأضاف: خلافي معه سياسي لأنه ضد الغرب ويعتبره عدوا، في حين أن من مصلحتنا أن نكون معه.
وطالب الأنصاري علماء الدين بمتابعة المسلسلات التليفزيونية، وقال: «أتطهر نفسيا بالمسلسلات».

ولاول مره هجاوب علي تاج .... بس مش مشكله نشوف

أحب شخص لقلبك فى الدنيا؟
لحد دلوتي ممكن يكون ... امي
................................................................
انسان مستعد تضحي بحياتك – ركز فى كلمة حياتك - عشانه؟
حبيبي ... اللي لسه معرفهوش -بس قريب جدا هلاقيه ياعني
.................................................................
انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
اي واحد بيمسك حكومة اسرائيل , وعميد المعهد بتاعنا كمان
................................................................
ما هو:اسم أجمل كتاب كتبه بشر قرأته ومحتفظ به حتى الان؟
مش لاقي في دماغي حاجه دلؤتي ، بس عموما انا الكتاب بفضل متعلق بيه لحد ما اللاقي واحد تاني ياخدني منه
.............................................................
اهم جهاز منزلى انت متعلق بيه او بتستخدمه كتير؟
الكمبيوتر طبعا . وممكن سخان الشاي كمان
...........................................................
مكان تحس بالراحة عندما تدخله؟
شقتي الخاصه .... اصلي قاعد في شقه لوحدي ....... احم
.........................................................
شىء تحس بالراحة النفسية عندما تنظر اليه؟
القران الكريم
........................................................
مكان تحس فيه بالحنين الى شىء لا تدرى ماهو و ذكريات جارفة الى لاشىء؟
اي مكان ع النيل ...... وبالذات الساقيه بيني وبينها حاجه غريبه لسه مش عارفها
.....................................................
اجمل مدينة زرتها داخل مصر ؟
اسكندرية طبعا
.....................................................
أجمل مكان طبيعي رأيته داخل مصر ؟
نهر النيل ...... المكان الطبيغي الاجمل داخل مصر
......................................................
شخصية كارتونية بتحبها؟
مع اني مبحبش الكارتون بس ممكن يكون - جيري
........................................................
نوع هاتفك المحمول؟
سوني اريكسون w550i
..........................................................
سرعة بروسيسور جهازك؟
2.8 ومزهقني
..........................................................
حجم ذاكرة –هارد- جهازك؟
80 جيجا بايت
.........................................................
المساحة التى تشغلها المواد الاسلامية على جهازك؟
تقريبا 4 جيجا
.........................................................
نفس المساحة السالف ذكرها فى قلبك -الاجابة لنفسك عشان الرياء يا اخواننا -؟
مقستهاش قبل كده والله
..........................................................
أهم هدف انت واضعه لحياتك الآن؟
اشتغل في اللي دارسته وبدرسه ، لو مش هايحصل يبقي اكمل دراسه احسن .
.........................................................
مواصفات فتى الأحلام بالنسبة لك؟
ااااااااااااه تقصد فتاة احلامي
كل مواصفتها .............. اني احبها بس
.......................................................
صف ما يأتى:شعورك لما بتسمع كلمة مصر ؟
امي اللي مش احسن واحده ، لا دي ممكن تكون اوحش واحده بس بحبها
......................................................
شعورك لما بتسمع كلام عن اليهود؟
ببقي عاوز ارجعع ، اكتر ناس ممكن اقرف منهم ومن ذكائهم ومن كرههم لينا من كل حاجه
....................................................
شعورك لما بتشوف ظابط شرطة؟
مش عارف ليه بحس انه مش مقتنع خالص باللي بيعمله ونفسه ميعملوش بس مينفعش
...................................................
شعورك لما بتشوف الكناس العجوز فى الطريق؟
نفسي اعمل علشانه اي حاجه بس مش عارف ، وساعات بفرح ليه جدا انه علي الاقل شغال مش شحات
..................................................
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
نفسي ادخل جواه واشوف هوه كده من جوه ولا ايه
بس طالما انه لسه شاب بيقي نضيف من جوه اوي بس يفهم هوه بيعمل كده ليه
...................................................
احساس يراودك فى اشارة مرور مغلقة بسبب مسئول كبير؟
هوه كمان نفسه ملوش ذنب ، اصل لو سابوه كده هايموت متقطع حتت فلازم يحمي نفسه بس
....................................................
امرر التاج لمين لمين؟؟؟
اي حد مردش علي التاج ده قبل كده
جرب ياعني

كلام سياسي .... احم .... فرح ابن الريس يا جدعااااااااااااان

مش عارف ليه حسيت بالحقد اتجاه الاخ العزيز الاستاذ جمال محمد حسني مبارك
الناس كلها عاوزه تعرف اخبار عن فرحه وكانه يوم زي يوم التعديلات كده
لا تعديلات ايه ده ولا يوم حرب اكتوبر اشمعني هوه بقي ولا عشان هوه ابن الريس .... يمكن
ولا عشان هوه الريس اللي جي ( ان شاء الله بدون مقاطعه ياعني ) يمكن بارضه
ولا يمكن علشان الاخت العزيزه الفاضله خديجه محمود الجمال تبقي بنت اخو رافت الهجان رحمه الله
لا مش مشكله انشالله حتي تكون بنت جيمس بوند
ده جمال مبارك يا جدعان
ياعني هوه انا يوم فرحي الناس هتبقي مستنياه كده بارضه
والله شاكلي كده لو اتجوزت في البلد دي محدش هيعرف غيري واحتمال العروسه كمان ابقي اقولها
طب انا بقي عاوز اعرف شوية حاجات كده مهمه في الافراح ياعني
مش مهم المهر اد ايه والمؤخر والكلام ده المهم طيب بما انه فرح واحد احنا عارفينه
مين اللي هيغني في الفرح
طيب اللي هايروح ينقطه يديلوا هديه ايه ده بقي
يجبله طقم تيفال ولا ابجوره وخلاص
مش عارف
بس اوعدكوا لما اجي اروح اباركلوا هاقلكوا انا جبتله ايه
مع اني والله غصب عني مش هاقدر اروح علشان هيبقي عندي فرح في نفس اليوم
بس هاروحله في الصبحيه ان شاء الله
انا لسه هاتكلم تاني في الموضوع ده بس مره تانيه بقي
وللحديث بقية ...... ان شاء الله

هوه محدش عاجبه كرسيه ليه .... ولا باين كده الناس اتجننت

قاعد ياعم في المروباص انهارده ولاقي الناس كلها بلا استثناء ( وانا منهم بارضه ) عماليين يغيرو كراسيهم . محدش عاجبه الكرسي بتاعه . وفي ظل هذه الملاحظات المكروباصيه افتكرت كلام حد كان بيقولي ان ليه محدش عاجبه حاله , اللي معاه جنيه عاوز الف واللي معاه الف عاوز مليون و..... و...... و
وبعد تحليل تلك الملاحظات مع ماحدث امامي في الميكروباص ، خرجت بنتيجه واحده
اصل اللي قاعد علي كرسي ومش مريحه مع ان الكرسي ده ممكن يكون احلي كرسي في العربيه بس هوه ميعرفش كده فعاوز يجرب الباقي يمكن يكون في كرسي تاني احسن
فلما يروح يلاقيه وحش يرجع كرسيه تاني
وبعديين يجرب تاني ، وهكذا
احنا بارضه كده محدش بيعرف انه مينفعش يبقي غير هنا في المكان اللي هوه فيه فبيحاول يروح مكان تاني يمكن يكون احسن
بس عادة لما بيرجع بيلاقي مكانه مفضلش مكانه ......... ـ

هاتي يادنيا هاتي . ايه عندك كمان . محال تشوفي اهاتي . وهاعندك كمان

مش عارف ليه والله الدنيا دي معندانا اوي
مستكترا علينا الفرحه , وساعات لا كتير مبتفرحناش اصلا
الامور عماله تتعقد وتبوظ مع كل الناس ومحدش عارف يعمل حاجه ، هاتشكي مين ولمين
غير انك تشكي كل حاجه لربنا هوه الوحيد اللي معاه الحل ...... سبحان الله
الدنيا ضايعه ... عماله بتروح من بين ادينا واحنا مش حسين الامور بتتغير والعمر بيمر ومحدش ةاخد باله اصلا ايه اللي ناقصه وايه اللي معملوش اصلا في حياته
والطامه الكبري بقي لو فكرت كالعاده مش هاتلاقي جواب ولو لقيت مش هتلاقي حلول وحاجه كده غريبه
اصعب محنه في الدنيا لسه مجتش . الموقف اللي هايسجله التاريخ وهاتقف عانده الساعه والله لسه مجاش
مش عارف ليه بارضه الحكمه دي ( حكمة ايه ) جات في دماغي ومش عاوزه تسيبني عمال بحارب بها الهموم والمشاكل لحد ملاقي حل
حل لايه بقي والله مش عارف بس لاي حاجه وحشه ولا انا شايفها وحشه بتحصل
بس اهو ادينا بنحاول نعوم مع اننا بنعوم في بحر من تراب
لو ميه كنا ممكن نستحمل ونعبر بس ده تراااااااااااااااب
يااااااااااااااااااااااااااااااارب

لا كلام في الهوا . ولا جرح ودوا . ولا ليل ولا عين ، ولا ليل ولا عين

مش عارف كتر الكلام دلؤتي عن الحب والحبيبه
ومن غير ما حد يفهمني غلط انا اقصد الحب الحب ياعني اللي هوه ولد وبنت علشان نبقي واضحيين بس )

مش عارف كل الناس بقت تتكلم عليه دلؤتي لا ومعايا انا بالذات علي اساس ان انا الاخ اللي بيفهم اللي فيهم
مع والله انا ببني كل كلامي معاهم علي شوية تجارب شخصيه
وشوية تجارب اتحكاتلي بس
ياعني انا في الموضوع ده بالذات مفهمش اوي
بس ربنا بيفتحها عليا ياعني ، الحمد لله .
المهم ....
حد بقي يقولنا ايه السبب ؟
ياعني الحبيبه بيحبوا يحكوا علشان فرحانيين ياعني وبتاع
ولما بيزعلوا ياعني او بتحصل مشاكل بارضه بيحبوا يحكوا
يالا مش مهم
طب والاخوه اللي زي حالتنا ومش حبيبه ولا حاجه
ايه السر اللي بيخليهم يتكلموا في الموضوع ده كتير ؟
علي فكره انا كمان زيهم بدليل اني بارضه بتكلم في الموضوع ده دلؤتي
والله حاجه تتضحك

ان مقدرتش تتضحك ..... ابكي ياعم هوه عيب ولا ايه

قالوا في الامثال لن مقدرتش تتضحك ما تدمعش ولا تبكيش

انا مش عارف والله قالوا كده ليه مع ان البكا ده حلو اوي والله
بس المهم يكون علي حاجه تستاهل ياعني
علشان لو كانت الحاجات اللي تستاهل مش كتير يبقي لا الضحك ينفع ولا حتي البكا
طب مين فينا مبيجلوش وقت كده ويبقي عاوز يعيط
لا وبيعيط ياعني وممكن يكون بيعيط علي ولا حاجه بس هوه نفسه يعيط

انا هاقترح موضوع العياط ده كده لما نشوف

اللي بيعيط يقولي بيعيط ليه ؟
والاخ الجامد قوي اللي بيعيطش ده يقولي بارضه يمكن نتعلم منه حاجه ؟

بعد اذنكم بقي علي شان عاوز اعيط شويه

احساس

... بقي كل ده شايله في قلبك ليه ومخبيه جواك , وانا كل ماتيجي عنيك في عنيه بقلك 100 بهواك ...
مطلع اغنيه جديده ( ولا باش اغنيه جديده عشان في ناس بتزعل ) المهم
اني لما سنعته اثر فيه اوي مع انه مش رهيب ياعني بس مش عارف ليه حسيت انه مكتوب ليا انا
كل كلمه فيه حسيت اني كنت بفكر فيها
واخذت قرار مهم جدا في حياتي تجاه بنت مكنتش عارف اني بحبها اوي كده وكنتش عارف او حتي حاسس انها بتفكر فيا
لا ... ده انا اتضحلي انها بتفكر فيا اوي اوي ياعني ( ده انا طلعت جامد وانا معرفش ) المهم
بس فضل ع الفرحه حته صغيره بس مهمه صلاة استخاره لمده 3 ايام كما اوصي الرسول ( صلي الله عليه وسلم )ويبقي الموضوع جد بقي
ده لموضوع ده لو حصل انا هبقي في منتهي الفرحه
مش عارف انا ليه انا مكنتش حاسس اني بحبها اوي للدرجه دي طول الفتره اللي فاتت دي
لا ده انا بحبها اوي بقي مش عارف انسي صورتها
ولا يروح من ودني صوتها
طب والنبي ياجماعه عاوز بس ارسي
اعمل ايه بالضبط
اكلمها ازاي
اقلها ايه
وانا فجاءه كده خبرة السنين كلها راحت
بعد ما كنت بدي افكار للناس مش عارف اعمل حاجه لنفسي
خليكم معايا
وللحديث بقيه

نداااااااااااااااااااااااااااء

علي اد ما كلام الاخ ياسر اثر فيا اوي او بمعنا اصح وجعني اوي
الي اني حاسس فعلا ان عانده حق
بس انا عاندي تعليق واحد بس علي اللي هوه قاله
لا انا شايف ان الموضوعات اللي انتوا بتتكملموا فيها او اللي انت شايف اني مش عاوز اتكلم فيها دي الموضوعات دي مش جد اوي ياعني زي مانت شايف
لا الادب ان كان شعر ولا نثر هوه اللي هايغير حال البلد
مهي الناس طول عمرها بتكتب صلاح جاهين وفؤاد حداد وغيرهم كتير ماتوا وهما بيكتبوا والبلد حالها ما تغيرش ولا حاجه
والعلامه المعجزه بتاعكوا صاحب الروايه الواحده هيه اه كسرت الدنيا بس مش هيه اللي هاتخلي البلد جنه
اقصد الاخ علاء الاسواني
اللي كل الناس فرحانه ومبسوطه اوي انه ياعيني هاينشر شيكاغو
اهو انتو فرحانين بيها وخلاص
وممكن كمان يكون انشغالكوا بالحاجات الللي انا قلت عنها دي هوه بارضه اللي مودي حال البلد في داهيه زي الحاجات اللي شغلاني


وكمان مين اللي قال ان النظر الي ما تقدمه هذه البلد اللي نصكوا مش طايقها والنص التاني ياعيني مش شاسف غير الحاجات المعفنه اللي فيها النظر الي ماتقدمه هذه البلد اي كان حلو ولا وحش استهتار

وكمان مين اللي قال اني هاتكلم في الحاجات دي من منظور انها حاجات تافهه او غيره
مش ممكن ابصلها من نفس الزاويه اللي انتو بتبصوا منها


ع العموم
انا كنت ممكن ارد عليك ع المسنجر و حتي في التليفون او ممكن ارحلك البيت حتي
بس انا عاوز كلمنا كله يكون ادام الناس
ده لو في ناس هاتخش هنا منه الاصل

وانا مستني ردك وجاهز باجهزة الدفاع
ومش هاكتب في الموضوعات التافهه المعفنه غير لما انت ترد

مدونه غير كل المدونات

بعد فتره ليست بالكثيره علي الاطلاق
من دخولي الي عالم المدونات
لاحظت ان كل المدونات تقريبا بينهم شئ مشترك
لا ادري ما هو
الا انني لاحظت انه ممكن ان يكون
طابع معين من الاغاني , ساقية الصاوي , جريدة الدستور , الميول الادبيه ,حب مصر ( العكس هه )
فسوف احاول جاهدا ان اغير مصير المدونات في مصر
وسوف اخذ علي عاتقي في الحديث عن اشياء اخري لايتحدث عنها احد
الكوره , الاغاني الجديده , الافلام الجديده او التجاريه , الاغاني او الافلام التي تحمل بصمات معينه اي كانت تاريخ صنعها
وربنا معايا

كلام من القلب

الحب يولد شوقا , والشوق يولد انسا ,فاذا افتقدت للشوق والانس فانت لا تحب .
في كل دقيقه غضب تفقد ستين ثانيه فرح .
دعك من النصائح لا يصبح القلب سعيدا طالما انه يدق لغيرك .
لا توهم نفسك فالشخص الوحيد الذي لم يكن لنا العيش من دونه هو ابونا ادم .
عندما تحب تجد كل الاشياء جميله لا تنخدع فالسحر يفعل ذلك ايضا .
اذا لم تري في حبيبك مساؤه فاتركه فلا يوجد انسان بدون مساوء.

دعك من كل هذا الكلام فاوقات كثيره لا تجد بديلا للحب دائما الحب هو خير البدائل .....
.

دي صوره من صوري عشان يبقي التعارف صوت وصوره